Friday, September 14, 2012

हिंदी


देवनागरी लिपि हे जेकर
गजब सरल अउ सुंदर
हवय ज्ञान बिज्ञान सबो
जेकर साहित के अंदर
अइताचार सहिस अड़बड़ पर
रहिगे ये हर ज़िंदी
बनिस राष्ट्रभाषा हमार
हम सबके प्यारी हिंदी |

येकर मान करय सब जनता
हिंदी अउ अ-हिंदी
ये जान्हवी बनिस अउ बनगें
सब भाषा कालिंदी
बोलयँ ये भाषा-ला मदरासी
बंगाली, सिंधी
बनिस राष्ट्रभाषा हमार
हम सबके प्यारी हिंदी |

अँगरेजी के मोह छोड़ के
ये ही ला अपनाबो
अब येकर बिकास खातिर
सब्बो झिन मन भिड़ जाबो
आय इही हर भारत माता के
माथा के बिंदी
बनिस राष्ट्रभाषा हमार
हम सबके प्यारी हिंदी |

जनकवि -स्व.कोदूराम “दलित”

2 comments:

  1. हम सबके प्यारी हिंदी |

    आभार ||

    ReplyDelete
  2. हिन्दीदिवस की हार्दिक शुभकामनाएँ!
    आपका इस प्रविष्टी की चर्चा कल शनिवार (15-09-2012) के चर्चा मंच पर भी होगी!
    सूचनार्थ!

    ReplyDelete